ಬೆಂಗಳೂರಿನ ಎಂ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಐಪಿಎಲ್ನ 6ನೇ ಪಂದ್ಯವು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹಾಗೂ ಪಂಜಾಬ್ ಕಿಂಗ್ಸ್ ನಡುವೆ ನಡೆಯುತ್ತಿದ್ದು, ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಶಿಖರ್ ಧವನ್ ನೇತೃತ್ವದ ಪಂಜಾಬ್ ತಂಡವು ಆರ್ಸಿಬಿಗೆ ಗೆಲ್ಲಲು 177 ರನ್ಗಳ ಸವಾಲಿನ ಗುರಿ ನೀಡಿದೆ.
ಟಾಸ್ ಗೆದ್ದಿದ್ದ ಆರ್ಸಿಬಿ ನಾಯಕ ಫಾಫ್ ಡು ಪ್ಲೆಸಿಸ್ ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿ, ಪಂಜಾಬ್ ಅನ್ನು ಬ್ಯಾಟಿಂಗ್ಗೆ ಇಳಿಸಿದರು. ನಿರೀಕ್ಷೆಯಂತೆಯೇ ಉತ್ತಮ ಬೌಲಿಂಗ್ ನಡೆಸಿದ್ದ ಆರ್ಸಿಬಿ ಬಳಗವು ಕೊನೆಯ ಓವರ್ನಲ್ಲಿ ಎಡವಿತು.
ಆರ್ಸಿಬಿ ಪರವಾಗಿ ಕೊನೆಯ ಓವರ್ ಎಸೆದ ಅಲ್ಝಾರಿ ಜೋಸೆಫ್ 20 ರನ್ ಬಿಟ್ಟುಕೊಟ್ಟು ದುಬಾರಿಯಾದ್ದರಿಂದ, ಪಂಜಾಬ್ ತಂಡವು ನಿಗದಿತ 20 ಓವರ್ಗಳಲ್ಲಿ 6 ವಿಕೆಟ್ ಕಳೆದುಕೊಂಡು 176 ರನ್ ದಾಖಲಿಸಿತು. 20ನೇ ಓವರ್ನಲ್ಲಿ ಜೋಸೆಫ್ ಎರಡು ಸಿಕ್ಸರ್, ಒಂದು ಬೌಂಡರಿ ಹಾಗೂ ವೈಡ್ ಸಹಿತ 20 ರನ್ ನೀಡುವ ಮೂಲಕ ದುಬಾರಿ ಎನಿಸಿದರು. 19ನೇ ಓವರ್ ಮುಗಿದಾಗ ಪಂಜಾಬ್ನ ಮೊತ್ತವು 156 ಆಗಿತ್ತು.
We’ve got the fire power to chase this down! 🙌
Come on boys, let’s put on a show 👊#PlayBold #ನಮ್ಮRCB #IPL2024 #RCBvPBKS pic.twitter.com/D9fr72eFsw
— Royal Challengers Bengaluru (@RCBTweets) March 25, 2024
ಪಂಜಾಬ್ ಪರವಾಗಿ ಧವನ್ ಜೊತೆಗೆ ಇನ್ನಿಂಗ್ಸ್ ಆರಂಭಿಸಿದ್ದ ಬೈರ್ಸ್ಟೋವ್, ತಂಡವು 17 ರನ್ ಗಳಿಸಿದ್ದಾಗ ಔಟಾದರು. ಕೇವಲ ಎಂಟು ರನ್ ಗಳಿಸಿ ಸಿರಾಜ್ಗೆ ವಿಕೆಟ್ ಒಪ್ಪಿಸಿದರು. ಭಾಸಿಮ್ರಾನ್ ಸಿಂಗ್ 17 ಎಸೆತಗಳಲ್ಲಿ 25 ರನ್ ಗಳಿಸಿ ಔಟಾದರು. ಪ್ರಭಾಸಿಮ್ರಾನ್ ಸಿಂಗ್ ಅವರ ವಿಕೆಟ್ ಪಡೆಯುವಲ್ಲಿ ಗ್ಲೆನ್ ಮ್ಯಾಕ್ಸ್ವೆಲ್ ಯಶಸ್ವಿಯಾದರು. ಬಳಿಕ ಬಂದ ಲಿಯಾಮ್ ಲಿವಿಂಗ್ಸ್ಟನ್ 13 ಎಸೆತಗಳಲ್ಲಿ 17 ರನ್ ಗಳಿಸಿ ಔಟಾದರು. ಆ ಬಳಿಕ ನಾಯಕ ಶಿಖರ್ ಧವನ್ 45 ರನ್ ಗಳಿಸಿ ಔಟಾದರು. ಆ ಮೂಲಕ ಒಂದೇ ಓವರ್ನಲ್ಲಿ ಮ್ಯಾಕ್ಸ್ವೆಲ್ಗೆ 2 ವಿಕೆಟ್ ಕಬಳಿಸುವ ಮೂಲಕ ರನ್ಗೆ ಕಡಿವಾಣ ಹಾಕಿದರು.
Athletic Anuj!
A sharp catch behind the stumps from @RCBTweets wicketkeeper-batter as #PBKS reach 154/6 with 8 balls to go
Head to @JioCinema and @StarSportsIndia to watch the match LIVE#TATAIPL | #RCBvPBKS pic.twitter.com/3snw3syupr
— IndianPremierLeague (@IPL) March 25, 2024
ಬಳಿಕ ಸ್ಯಾಮ್ ಕರನ್ 23 ರನ್ ಗಳಿಸಿದ್ದಾಗ, ಯಶ್ ದಯಾಳ್ ಎಸೆತದಲ್ಲಿ ದೊಡ್ಡ ಹೊಡೆತಕ್ಕೆ ಯತ್ನಿಸಿ ವಿಫಲರಾದರು. ವಿಕೆಟ್ ಹಿಂಬದಿ ಕೀಪಿಂಗ್ ಮಾಡುತ್ತಿದ್ದ ಅನುಜ್ ರಾವತ್ ಹಿಡಿದ ಅದ್ಭುತ ಕ್ಯಾಚ್ಗೆ ಬಲಿಯಾದರು.
ಪಂಜಾಬ್ ಪರ ಜಿತೇಶ್ ಶರ್ಮಾ 27 ರಮ್ ಗಳಿಸುವ ಮೂಲಕ ತಮ್ಮದೇ ಕೊಡುಗೆ ನೀಡಿದರು. ಕೊನೆಯಲ್ಲಿ ಪಂಜಾಬ್ ಪರವಾಗಿ ಅಬ್ಬರಿಸಿದ ಶಶಾಂಕ್ ಸಿಂಗ್ ಕೇವಲ 8 ಎಸೆತಗಳನ್ನು ಎದುರಿಸಿ 2 ಭರ್ಜರಿ ಸಿಕ್ಸ್ ಹಾಗೂ ಒಂದು ಬೌಂಡರಿಯ ನೆರವಿನಿಂದ 21 ರನ್ ಗಳಿಸುವ ಮೂಲಕ, ತಂಡದ ಮೊತ್ತವನ್ನು 176ಕ್ಕೆ ಕೊಂಡೊಯ್ಯುವಲ್ಲಿ ಯಶಸ್ವಿಯಾದರು.
As easy as that! 😉#SaddaPunjab #PunjabKings #JazbaHaiPunjabi #TATAIPL2024 #RCBvPBKS pic.twitter.com/eyopLUlQDe
— Punjab Kings (@PunjabKingsIPL) March 25, 2024
ಆರ್ಸಿಬಿ ಪರವಾಗಿ ಬೌಲಿಂಗ್ನಲ್ಲಿ ಮೊಹಮ್ಮದ್ ಸಿರಾಜ್ ಹಾಗೂ ಗ್ಲೆನ್ ಮ್ಯಾಕ್ಸ್ವೆಲ್ 2 ವಿಕೆಟ್ ಪಡೆದರೆ, ಯಶ್ ದಯಾಳ್ ಹಾಗೂ ಅಲ್ಝಾರಿ ಜೋಸೆಫ್ ತಲಾ ಒಂದು ವಿಕೆಟ್ ಪಡೆಯುವಲ್ಲಿ ಸಫಲರಾದರು. 4 ಓವರ್ ಎಸೆದಿದ್ದ ಜೋಸೆಫ್ 43 ರನ್ ನೀಡಿ, ಬಹಳ ದುಬಾರಿ ಎನಿಸಿಕೊಂಡರು.
