ಮಸೀದಿ ಎಂದರೇನು? ಮಸೀದಿ, ಮದ್ರಸಾಗಳಿಗೆ ಇರುವ ವ್ಯತ್ಯಾಸ ಏನು? ಮಸೀದಿ ಒಳಗಡೆ ಏನೆಲ್ಲ ಇರುತ್ತೆ? ಮುಸ್ಲಿಮರ ಪ್ರಾರ್ಥನೆ ಹೇಗಿರುತ್ತದೆ? ಮಸೀದಿಯಲ್ಲಿ ಮುಸ್ಲಿಮರು ಯಾವ ದೇವರಿರುತ್ತಾರೆ? ಇಂತಹ ನೂರಾರು ಪ್ರಶ್ನೆಗಳು ಮುಸ್ಲಿಮೇತರರಲ್ಲಿ ಇರುವುದು ಸಹಜ. ಮಸೀದಿ ಬಗ್ಗೆ ಹೆಚ್ಚಿನ ಜನರಿಗೆ ಯಾವುದೇ ಸ್ಪಷ್ಟ ಪರಿಕಲ್ಪನೆ ಇರುವುದಿಲ್ಲ. ಕೇವಲ ಮುಸ್ಲಿಮರಿಗಷ್ಟೇ ಆ ಕೇಂದ್ರವು ಸೀಮಿತವಾಗಿರುತ್ತದೆ ಅನ್ನುವ ಭಾವನೆ ಇದೆ.
ಹೀಗಾಗಿ, ಮಸೀದಿಯ ಬಗ್ಗೆ ತಿಳಿದುಕೊಳ್ಳಲು ಎಲ್ಲ ಧರ್ಮೀಯರಿಗೂ ಅವಕಾಶ ಕಲ್ಪಿಸಲಾಗಿದ್ದು, ಬೆಂಗಳೂರಿನ ಜಯನಗರದಲ್ಲಿ ನಾಳೆ(ಫೆ.17) ಸಾರ್ವಜನಿಕರಿಗಾಗಿ ‘ಮಸೀದಿ ದರ್ಶನ’ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ ಎಂದು ಮಸೀದಿ ದರ್ಶನ ಸಂಘಟಕರು ಮಾಹಿತಿ ನೀಡಿದ್ದಾರೆ.
ಯಾವಾಗ ಕಾರ್ಯಕ್ರಮ?
‘ಮಸೀದಿ ದರ್ಶನ’ ಅನ್ನುವ ಈ ವಿಶಿಷ್ಟ ಕಾರ್ಯಕ್ರಮವು ಫೆ.17ರ ಶನಿವಾರದಂದು ಬೆಳಗ್ಗೆ 11ರಿಂದ ಸಂಜೆ 8 ಗಂಟೆಯವರೆಗೆ ನಡೆಯಲಿದೆ. ಸಂಜೆ 4ರಿಂದ 8ರವರೆಗೆ ‘ಮೀಡಿಯಾ ಸೆಷನ್’ ಇರಲಿದೆ. ಈ ಸಂದರ್ಭ ಸಾಯಂಕಾಲ, ಸೂರ್ಯಾಸ್ತ ಹಾಗೂ ರಾತ್ರಿಯ ನಮಾಝ್ ಹಾಗೂ ಆಝಾನ್ ಕೂಗುವುದನ್ನು ಹತ್ತಿರದಿಂದ ನೋಡಬಹುದಾಗಿದೆ. ಈ ಕಾರ್ಯಕ್ರಮದ ವೇಳೆ ಇಸ್ಲಾಮಿಕ್ ವಸ್ತು ಪ್ರದರ್ಶನ, ಸಂವಾದಗಳನ್ನು ನಡೆಸಬಹುದಾಗಿದೆ.
ಯಾರೆಲ್ಲ ಭಾಗವಹಿಸಬಹುದು?
‘ಮಸೀದಿ ದರ್ಶನ’ ಕಾರ್ಯಕ್ರಮದಲ್ಲಿ ಯಾವುದೇ ಮುಸ್ಲಿಮೇತರ ಧರ್ಮೀಯ ಪುರುಷ ಹಾಗೂ ಮಹಿಳೆಯರು ಭಾಗವಹಿಸಬಹುದಾಗಿದೆ.
ಸ್ಥಳ ಎಲ್ಲಿ?
‘ಮಸೀದಿ ದರ್ಶನ’ ಕಾರ್ಯಕ್ರಮವು ಬೆಂಗಳೂರಿನ ಜಯನಗರದ ಬನ್ನೇರುಘಟ್ಟ ಮುಖ್ಯ ರಸ್ತೆ(ಶ್ರೀ ಜಯದೇವ ಆಸ್ಪತ್ರೆಯ ಹತ್ತಿರ)ಯಲ್ಲಿರುವ ಬಿಲಾಲ್ ಮಸೀದಿಯಲ್ಲಿ ನಡೆಯಲಿದೆ.
Location Map Link ಇಲ್ಲಿದೆ: ಮಸೀದಿಯ ಹೆಸರಿನ ಮೇಲೆ ಕ್ಲಿಕ್ ಮಾಡಿ
ಬಿಲಾಲ್ ಮಸೀದಿ, ಬನ್ನೇರುಘಟ್ಟ ಮುಖ್ಯ ರಸ್ತೆ(ಶ್ರೀ ಜಯದೇವ ಆಸ್ಪತ್ರೆಯ ಹತ್ತಿರ), ಜಯನಗರ, ಬೆಂಗಳೂರು
