ಮಾಸ್ಕೋದ ಕ್ರೋಕಸ್ ಪಟ್ಟಣದ ಮೇಲೆ ಮಾ.23 ರಂದು ಭೀಕರ ದಾಳಿ ನಡೆದು 133 ಮಂದಿ ಹತರಾಗಿ, ನೂರಾರು ಮಂದಿ ಗಾಯಗೊಂಡಿದ್ದರು. ಈ ದಾಳಿಯ ಹಿಂದೆ ಐಸಿಸ್ ಸಂಘಟನೆ ದಾಳಿ ಮಾಡಿದೆ ಎಂದು ಅಮೆರಿಕ ಹೇಳಿಕೆಯ ಬಗ್ಗೆ ರಷ್ಯಾ ಅನುಮಾನ ವ್ಯಕ್ತಪಡಿಸಿದೆ.
ಅಮೆರಿಕ ಸಾರ್ವಜನಿಕವಾಗಿ ಹೇಳಿದಂತೆ ಕಳೆದ ಎರಡು ದಶಕಗಳಲ್ಲಿಯೇ ರಷ್ಯಾದಲ್ಲಿ ನಡೆದ ಭೀಕರ ದಾಳಿಯ ಹೊಣೆಯನ್ನು ಇಸ್ಲಾಮಿಕ್ ಸ್ಟೇಟ್ ಹೊತ್ತುಕೊಂಡಿತ್ತು. ಆದಾಗ್ಯೂ, ರಷ್ಯಾವು ಈ ದಾಳಿಯನ್ನು ಪ್ರಶ್ನಿಸಿದ್ದು, ಅಮೆರಿಕವು ಉಕ್ರೇನ್ಗೆ ಮುಕ್ತಿ ನೀಡುತ್ತಿದೆ ಹಾಗೂ ಅಲ್ಲದೆ ಅಲ್ಲಿನ ಅಧ್ಯಕ್ಷ ವೋಲ್ದಿಮಿರ್ ಝೆಲ್ಯಂಸ್ಕಿ ಭಯೋತ್ಪಾದನಾ ದಾಳಿಯ ಹಿಂದಿದ್ದಾರೆ ಎಂದು ಆರೋಪಿಸಿದೆ.
ರಷ್ಯಾದ ಸ್ಥಳೀಯ ಪತ್ರಿಕೆಯಲ್ಲಿ ಹೇಳಿಕೆ ನೀಡಿರುವ ರಷ್ಯಾದ ವಿದೇಶಾಂಗ ಇಲಾಖೆಯ ವಕ್ತಾರರಾದ ಮರಿಯಾ ಝಕರೋವಾ, “ಈ ಪ್ರಶ್ನೆಯು ವೈಟ್ಹೌಸ್ನ ಅವಗಾಹನೆಗೆ: ಮಾಸ್ಕೋ ಮೇಲೆ ಐಸಿಸ್ ದಾಳಿ ಮಾಡಿರುವುದು ನಿಮಗೆ ಖಚಿತವಿದೆಯೆ? ನಂತರದಲ್ಲಿ ನಿಮ್ಮ ಮನಸ್ಸನ್ನು ಬದಲಿಸುವುದಿಲ್ಲ ತಾನೆ” ಎಂದು ಪ್ರಶ್ನಿಸಿದ್ದಾರೆ.
ಈ ಸುದ್ದಿ ಓದಿದ್ದೀರಾ? ಈ ದಿನ ಸಂಪಾದಕೀಯ | ಚುನಾವಣೆ – ಐಪಿಎಲ್ ಕ್ರಿಕೆಟ್ನಲ್ಲಿ ಅಪ್ಪ-ಮಗನ ಆಟ
ಇದಕ್ಕೂ ಮೊದಲು ಹೇಳಿಕೆ ನೀಡಿದ್ದ ಮರಿಯಾ ಝಕರೋವಾ, ಮಧ್ಯ ಪೂರ್ವದ ದೇಶಗಳ ವ್ಯವಹಾರಗಳ ಮೇಲೆ ಅಮೆರಿಕ ಮಧ್ಯಸ್ಥಿಕೆ ವಹಿಸುತ್ತಿರುವುದು ಏರಿಕೆಯಾಗುತ್ತಲೇ ಇದೆ, ಭಯೋತ್ಪಾದನೆಯ ಗುಂಪುಗಳನ್ನು ಬಲಪಡಿಸುವುದು ಹಾಗೂ ಮೂಲಭೂತವಾದದ ಕಡೆ ಸಾಂಸ್ಥಿಕಗೊಳಿಸುವುದು, ಇಂದಿಗೂ ಈ ದೇಶಗಳಲ್ಲಿ ಹೆಚ್ಚಾಗುತ್ತಲೇ ಇದೆ ಎಂದು ತಿಳಿಸಿದ್ದಾರೆ.
“ಇದರ ತರ್ಕವೇನು ಎಂಬುದನ್ನು ನೀವು ಕೇಳಬಹುದು? ಹಣ ಮತ್ತು ಅಧಿಕಾರ. ನೇರ ಮಧ್ಯಸ್ಥಿಕೆಯನ್ನು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಕಾನೂನು ಬದ್ಧವಾಗಿ ನಿಷೇಧಿಸುವುದನ್ನು ಪರಿಗಣಿಸಬೇಕಾಗಿದೆ. ಇದು ಹೆಚ್ಚುತ್ತಿರುವ ಅನಿಯಂತ್ರಿತ ವ್ಯವಸ್ಥೆಯಿಂದ, ಭಯೋತ್ಪಾದಕರ ಕೈಯಲ್ಲಿರುವ ವಿಶ್ವವನ್ನು ಮರುರೂಪಿಸಿಕೊಳ್ಳಬೇಕಿದೆ” ಎಂದು ಮರಿಯಾ ಝಕರೋವಾ ಹೇಳಿದ್ದರು.
ಅಮೆರಿಕವು ಉಕ್ರೇನ್ನ ಪ್ರದೇಶಗಳಲ್ಲಿ ಇಸ್ಲಾಮಿಕ್ ಸ್ಟೇಟ್ ಭಯೋತ್ಪಾದನೆ ಹರಡುತ್ತಿದೆ ಎಂದು ಸುದ್ದಿಗಳನ್ನು ಹರಡುತ್ತಿದೆ. ಅಮೆರಿಕದ ಬೆಂಬಲಿತ ಮುಜಾಯಿದ್ದೀನ್ ಹೋರಾಟಗಾರರು ಸೋವಿಯತ್ ಸೇನೆಯ ವಿರುದ್ಧ 1980ರ ದಶಕದಲ್ಲಿ ಯುದ್ದ ಮಾಡಿದ್ದನ್ನು ಓದುಗರು ನೆನಪಿಸಿಕೊಳ್ಳಬೇಕು ಎಂದು ಮರಿಯಾ ಝಕರೋವಾ ತಿಳಿಸಿದ್ದಾರೆ.
