ಸಂಘರ್ಷ ಪೀಡಿತ ಸುಡಾನ್ ರಾಜಧಾನಿ ಖಾರ್ಟೂಮ್ನಲ್ಲಿರುವ ಅನಾಥಾಲಯವೊಂದರಲ್ಲಿ ಆಹಾರ, ಹಾಲು ಸಿಗದೆ ಹಸುಗೂಸುಗಳು ಸೇರಿದಂತೆ 60ಕ್ಕೂ ಹೆಚ್ಚು ಮಕ್ಕಳು ಸಾವನ್ನಪ್ಪಿರುವುದಾಗಿ ಅಸೋಸಿಯೇಟೆಡ್ ಪ್ರೆಸ್ (ಎಪಿ) ಸುದ್ದಿ ಸಂಸ್ಥೆ ವರದಿ ಮಾಡಿದೆ.
ಸೇನೆ ಮತ್ತು ಅರೆಸೇನಾ ಪಡೆಗಳ ನಡುವಿನ ಸಂಘರ್ಷದಿಂದ ಸುಡಾನ್ ದೇಶದ ಹಲವು ನಗರಗಳಲ್ಲಿ ಗುಂಡಿನ ದಾಳಿ ಸೇರಿದಂತೆ ಭೀಕರ ಆಂತರಿಕ ಯುದ್ಧ ನಡೆಯುತ್ತಿದೆ. ಈ ನಡುವೆ ರಾಜಧಾನಿ ಖಾರ್ಟೂಮ್ನಲ್ಲಿರುವ ಅಲ್ ಮೈಖೋಮಾ ಅನಾಥಾಶ್ರಮದಲ್ಲಿ ಕಳೆದ ಆರು ವಾರಗಳಲ್ಲಿ, ಮೂರು ತಿಂಗಳು ಪ್ರಾಯದ ಹಸುಗೂಸು, ಪುಟ್ಟ ಮಕ್ಕಳು ಸೇರಿದಂತೆ 60ಕ್ಕೂ ಹೆಚ್ಚು ಮಕ್ಕಳು ಸಾವನ್ನಪ್ಪಿರುವ ದಾರುಣ ಘಟನೆ ಬೆಳಕಿಗೆ ಬಂದಿದೆ.
The escalation of conflict in Sudan has crumbled the country’s healthcare system.
— TRT World (@trtworld) May 30, 2023
Fifty children, including babies, have died of malnutrition and lack of attention at a severely under-staffed orphanage in Khartoum pic.twitter.com/bzYsmZyPyx
ಎರಡು ದಿನಗಳ ಅಂತರದಲ್ಲಿ ಇಪ್ಪತ್ತಾರು ಮಕ್ಕಳು ಮೃತಪಟ್ಟಿದ್ದು, ಇವರಲ್ಲಿ ಹೆಚ್ಚಿನವರು ಆಹಾರದ ಕೊರತೆ ಮತ್ತು ಅನಾರೋಗ್ಯದಿಂದ ಸಾವನ್ನಪ್ಪಿದ್ದಾರೆ. ಆಶ್ರಮದ ಹೊರಭಾಗದಲ್ಲಿ ಭಾರಿ ಸಂಘರ್ಷ ನಡೆಯುತ್ತಿದ್ದ ಕಾರಣ ಹೊರಗಿನಿಂದ ಯಾವುದೇ ವಸ್ತುಗಳನ್ನು ತರಲು ಸಾಧ್ಯವಾಗಿಲ್ಲ ಎಂದು ಸಾಮಾಜಿಕ ಕಾರ್ಯಕರ್ತರೊಬ್ಬರು ಎಪಿಗೆ ತಿಳಿಸಿದ್ದಾರೆ.
ಈ ಸುದ್ದಿ ಓದಿದ್ದೀರಾ?: ಖ್ಯಾತ ಗಾಯಕಿ ಟೀನಾ ಟರ್ನರ್ ನಿಧನ | ಒಬಾಮಾ, ಜೋ ಬೈಡನ್ ಸಂತಾಪ
ಮೃತ ಮಕ್ಕಳ ಮೃತದೇಹಗಳನ್ನು ಬಿಳಿ ಬಟ್ಟೆಯಲ್ಲಿ ಮುಚ್ಚಲಾಗಿರುವ ಮತ್ತು ಕೆಲ ಮಕ್ಕಳು ಕೇವಲ ಡೈಪರ್ ಧರಿಸಿ ಅಳುತ್ತಿರುವ ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಅಲ್ ಮೈಖೋಮಾ ಅನಾಥಾಶ್ರಮದಲ್ಲಿ ಹತ್ತಕ್ಕೂ ಹೆಚ್ಚು ವೈದ್ಯರು, ಸ್ವಯಂಸೇವಕರು, ಆರೋಗ್ಯ ಅಧಿಕಾರಿಗಳು ಹಾಗೂ ನೌಕರರು ಇದ್ದರೂ ಸಹ ಆಹಾರದ ಕೊರತೆಯಿಂದಾಗಿ ಮಕ್ಕಳ ಸಾವಿನ ಪ್ರಮಾಣ ಹೆಚ್ಚಾಗಿದೆ ಎನ್ನಲಾಗಿದೆ.
ಘಟನೆ ಬೆಳಕಿಗೆ ಬರುತ್ತಿದ್ಧಂತೆಯೇ ಯುನಿಸೆಫ್ ಮತ್ತು ರೆಡ್ಕ್ರಾಸ್ನ ಅಂತಾರಾಷ್ಟ್ರೀಯ ಸಮಿತಿಯ ಸಹಾಯದಿಂದ ಅನಾಥಾಶ್ರಮಕ್ಕೆ ಆಹಾರ, ಔಷಧಗಳನ್ನು ತಲುಪಿಸಲಾಗಿದೆ.
