ಸೌದಿ ಅರೇಬಿಯಾದಲ್ಲಿ ಚಂದ್ರದರ್ಶನವಾಗಿರುವ ಹಿನ್ನೆಲೆಯಲ್ಲಿ ಫೆ.18(ಬುಧವಾರ)ರಂದು ಮುಸ್ಲಿಮರ ಪವಿತ್ರ ರಮಝಾನ್ ಉಪವಾಸ ಆರಂಭವಾಗಲಿದೆ ಎಂದು ಸೌದಿ ಅರೇಬಿಯಾದ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
“ಚಂದ್ರದರ್ಶನವಾಗಿದೆ. ಹಾಗಾಗಿ, ಫೆ.18ರಿಂದ ರಮಝಾನ್ ಉಪವಾಸ ಆರಂಭವಾಗಲಿದೆ. ಮಂಗಳವಾರ ರಾತ್ರಿ ಮೆಕ್ಕಾದ ಪವಿತ್ರ ಮಸೀದಿ ಹಾಗೂ ಮದೀನಾದ ಮಸೀದಿಗಳಲ್ಲಿ ರಮಝಾನ್ ತಿಂಗಳಲ್ಲಿ ನಡೆಸುವ ವಿಶೇಷ ತರಾವೀಹ್ ನಮಾಝ್ ಕೂಡ ನಡೆಯಲಿದೆ” ಎಂದು ಧಾರ್ಮಿಕ ಪಂಡಿತರು ಸೋಷಿಯಲ್ ಮೀಡಿಯಾದ ಮೂಲಕ ಮಾಹಿತಿ ಹಂಚಿಕೊಂಡಿದ್ದಾರೆ.
