ವ್ಯಾಟಿಕನ್ನ ಸಿಸ್ಟನ್ ಚಾಪೆಲ್ನ ಚಿಮಣಿಯಿಂದ ಬುಧವಾರ ಕಪ್ಪು ಹೊಗೆ ಬಂದಿದ್ದು ಇದು ನೂತನ ಪೋಪ್ ಆಯ್ಕೆಯಾಗಿಲ್ಲ ಎನ್ನುವುದನ್ನು ಸೂಚಿಸಿದೆ. ಕ್ಯಾಪೊಲಿಕ್ ಚರ್ಚ್ನ ನೂತನ ನಾಯಕನನ್ನು ಆಯ್ಕೆ ಮಾಡಲು 13 ಕಾರ್ಡಿನಲ್ಗಳು ರಹಸ್ಯವಾದ ಶತಮಾನಗಳನ್ನು ಹಳೆಯದಾದ ಸಂಪ್ರದಾಯಕ್ಕೆ ಬುಧವಾರ ಚಾಲನೆ ನೀಡಿದ್ದರು.
ಕ್ರೈಸ್ತ ಧರ್ಮದ ಇತಿಹಾಸದಲ್ಲಿಯೇ ಭೌಗೋಳಿಕವಾಗಿ ಅತ್ಯಂತ ವೈವಿಧ್ಯಮಯ ಸಮಾವೇಶದಲ್ಲಿ ಪಾಲ್ಗೊಂಡಿರುವ ಕಾರ್ಡಿನ್ಗಳು ಬುಧವಾರ ಸಂಜೆ ಕೇವಲ ಒಂದು ಸುತ್ತಿನ ಮತದಾನವನ್ನು ನಡೆಸಿದ್ದಾರೆ. ಮೊದಲ ಮತದಾನದಲ್ಲಿ ದಿವಂಗತ ಫೋಪ್ ಫ್ರಾನ್ಸಿಸ್ ಅವರ ಉತ್ತರಾಧಿಕಾರಿಯನ್ನು ಆಯ್ಕೆ ಮಾಡುವಲ್ಲಿ ವಿಫಲಗೊಂಡ ಬಳಿಕ ಕಾರ್ಡಿನಲ್ಗಳು ಗುರುವಾರ ಬೆಳಿಗ್ಗೆ ಪ್ರಕ್ರಿಯೆಯನ್ನು ಪುನಾರಾಂಭಿಸಿದ್ದಾರೆ.
ಇದನ್ನು ಒದಿದ್ದೀರಾ? ಈ ದಿನ ಸಂಪಾದಕೀಯ | ಜನಾರ್ದನ ರೆಡ್ಡಿಗೆ ಜೈಲು: ಇದು ಜನಸಾಮಾನ್ಯರ ಜಯ
ಚಾಪೆಲ್ನ ಹೊರಗೆ ಸೈಂಟ್ ಪೀಟರ್ಸ್ ಚೌಕದಲ್ಲಿ ಕಲಾಪಗಳನ್ನು ದೊಡ್ಡ ವಿಡಿಯೊ ಪರದೆಗಳಲ್ಲಿ ವೀಕ್ಷಿಸಲು ಸಾವಿರಾರು ಜನರು ನೆರೆದಿದ್ದಾರೆ. ಗಂಟೆಗಟ್ಟಲೆ ಕಾದ ಬಳಿಕ ಮತದಾನವು ಭೋಜನ ಸಮಯಕ್ಕೆ ವಿಸ್ತರಿಸಲ್ಪಟ್ಟ ನಂತರ ಕೆಲವರು ಹತಾಶೆಯಿಂದ ಮರಳಿದ್ದಾರೆ. ಅಲ್ಲಿಯೇ ಉಳಿದುಕೊಂಡಿದ್ದವರು ಅಂತಿಮವಾಗಿ ಹೊಗೆಯು ಚಿಮಣಿಯಿಂದ ಹೊರಸೂಸಿದ್ದಕ್ಕೆ ಸಾಕ್ಷಿಯಾಗಿದ್ದರು.
ಕಾರ್ಡಿನಲ್ಗಳು ಶಾಂತಿದೂತನಾಗಬಲ್ಲ ಮತ್ತು ಚರ್ಚ್ ಅನ್ನು ಮತ್ತೆ ಒಗ್ಗೂಡಿಸಬಲ್ಲ ವ್ಯಕ್ತಿಯನ್ನು ನೂತನ ಪೋಪ್ ಆಗಿ ಆಯ್ಕೆ ಮಾಡುತ್ತಾರೆ ಎಂಬ ಆಶಯವನ್ನು ನಾನು ಹೊಂದಿದ್ದೇನೆ’ ಎಂದು ಲಂಡನ್ನಿಂದ ಆಗಮಿಸಿರುವ ಗ್ಯಾಡ್ರಿಯಲ್ ಕಾಪ್ರಿ ಹೇಳಿದರು.
Black smoke emerges from the Sistine Chapel chimney again, indicating they have yet to elect a new Pope. pic.twitter.com/TGVb6kzAmO
— Pop Base (@PopBase) May 8, 2025
