ಉಕ್ರೇನ್-ರಷ್ಯಾ ಯುದ್ಧದಿಂದ ನೊಂದಿದ್ದ ಯುವತಿಯೊಬ್ಬರು, ಅಮೆರಿಕದಲ್ಲಿ ಸುರಕ್ಷಿತ ಜೀವನ ಕಟ್ಟಿಕೊಳ್ಳಬಹುದು ಎಂಬ ಕನಸು ಹೊತ್ತು ಬಂದಿದ್ದರು. ಆದರೆ, ಆಕೆಯನ್ನು ಅಮೆರಿಕದ ರೈಲಿನಲ್ಲಿ ಬರ್ಬರವಾಗಿ ಇರಿದು ಕೊಲ್ಲಲಾಗಿದೆ. ಘಟನೆಯ ವಿಡಿಯೋ ರೈಲಿನಲ್ಲಿದ್ದ ಕಣ್ಗಾವಲು ಕ್ಯಾಮೆರಾದಲ್ಲಿ ಸೆರೆಯಾಗಿದೆ.
ಮೃತರನ್ನು 23 ವರ್ಷದ ಐರಿನಾ ಜರುಟ್ಸ್ಕಾ ಎಂದು ಗುರುತಿಸಲಾಗಿದೆ. ಆಕೆಯನ್ನು ರೈಲಿನ ಅಧಿಕಾರಿಯೇ ಕೊಂದಿರುವುದು ವಿಡಿಯೋದಲ್ಲಿ ಕಂಡುಬಂದಿದೆ.
‘ಷಾರ್ಲೆಟ್ ಏರಿಯಾ ಟ್ರಾನ್ಸಿಟ್ ಸಿಸ್ಟಮ್’ ಘಟನೆ ದೃಶ್ಯಗಳನ್ನು ಬಿಡುಗಡೆ ಮಾಡಿದೆ. ಉತ್ತರ ಕೆರೊಲಿನಾದ ಷಾರ್ಲೆಟ್ನಲ್ಲಿ ಆಗಸ್ಟ್ 22ರಂದು ಘಟನೆ ನಡೆದಿದೆ. ಅಂದು ರಾತ್ರಿ ಸುಮಾರು 10 ಗಂಟೆಯ ಸಮಯದಲ್ಲಿ ಜರುಟ್ಸ್ಕಾ ಅವರು ಷಾರ್ಲಟ್ ಪ್ಲಾಟ್ಫಾರ್ಮ್ನಲ್ಲಿ ರೈಲು ಹತ್ತಿದ್ದಾರೆ. ರೈಲಿನಲ್ಲಿ ಮೊಬೈಲ್ ನೋಡುತ್ತಾ ಕುಳಿತಿದ್ದಾರೆ. ಅವರ ಹಿಂದಿನ ಸೀಟ್ನಲ್ಲಿ 34 ವರ್ಷದ ಡೆಕಾರ್ಲೋಸ್ ಬ್ರೌನ್ ಜೂನಿಯರ್ ಎಂಬಾತ ಕುಳಿತಿದ್ದ. ರೈಲು ಹೊರಟ 4 ನಿಮಿಷಗಳ ಬಳಿಕ, ಆತ ಆಕೆಯ ಮೇಲೆ ದಾಳಿ ಮಾಡಿ, ಚಾಕುವಿನಿಂದ ಬರ್ಬರವಾಗಿ ಇರಿದಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.
Tragic: New footage shows Decarlos Brown Jr. fatally stabbing Iryna Zarutska on a Charlotte train. When will we prioritize safety and mental health? It’s time to reconsider opening asylum homes—our streets are becoming too dangerous. #Charlotte #Crime #MentalHealthAwareness pic.twitter.com/GCJDDdahEW
— ceanmedia (@ceanmedia) September 6, 2025
ಹತ್ಯೆಗೈದ ಆರೋಪಿ ಬ್ರೌನ್ ಮುಂದಿನ ನಿಲ್ದಾಣದಲ್ಲಿ ಬಂಧಿಸಲಾಗಿದೆ. ಪ್ಲಾಟ್ಫಾರ್ಮ್ ಬಳಿ ಬಿದ್ದದ್ದ ಆತ ಬಳಸಿದ್ದ ಚಾಕುವನ್ನು ವಶಕ್ಕೆ ಪಡೆದಿದ್ದಾರೆ. ಷಾರ್ಲೆಟ್-ಮೆಕ್ಲೆನ್ಬರ್ಗ್ ಪೊಲೀಸ್ ಇಲಾಖೆಯ ಪ್ರಕಾರ, ಬಂಧನಕ್ಕೆ ಒಳಗಾಗುವ ಮೊದಲು ಅವರ ಕೈಯಲ್ಲಿ ಗಾಯವಾಗಿದ್ದಕ್ಕಾಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಯಿತು ಮತ್ತು ಪ್ರಥಮ ದರ್ಜೆ ಕೊಲೆ ಆರೋಪ ಹೊರಿಸಲಾಯಿತು.
ಆರೋಪಿ ಬ್ರೌನ್ 2011ರಲ್ಲಿ ನಡೆದಿದ್ದ ಕೊಲೆ ಪ್ರಕರಣವೊಂದರಲ್ಲಿಯೂ ಆರೋಪಿಯಾಗಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.
