2023ರಲ್ಲಿ ರಸ್ತೆ ಅಪಘಾತದಲ್ಲಿ ಸಿಂಗಾಪುರದ ರಾಷ್ಟ್ರೀಯ ವಿಶ್ವವಿದ್ಯಾಲಯದ(NUS) ಹಿರಿಯ ಕಾನೂನು ಪ್ರಾಧ್ಯಾಪಕರ ಸಾವಿಗೆ ಕಾರಣವಾದ ಆರೋಪದ ಮೇಲೆ ಸಿಂಗಾಪುರ ನ್ಯಾಯಾಲಯವು ಶುಕ್ರವಾರ ಭಾರತೀಯ ಪ್ರಜೆಯೊಬ್ಬರಿಗೆ ಎರಡು ವರ್ಷ, ಒಂದು ತಿಂಗಳ ಜೈಲು ಶಿಕ್ಷೆ ಮತ್ತು SGD2,000 ದಂಡ ವಿಧಿಸಿದೆ.
2023ರ ಜುಲೈ 7ರಂದು ನಿರ್ಮಾಣ ಕೆಲಸಗಾರ ನಟರಾಜನ್ ಮೋಹನರಾಜ್(28) ಲಾರಿ ಚಾಲನೆ ಮಾಡುವಾಗ ತನ್ನ ಮೊಬೈಲ್ ಫೋನ್ ಬಳಸಿದ್ದರು. ಈ ವೇಳೆ ಲಾರಿ ನಿಯಂತ್ರಣ ತಪ್ಪಿ ಎಮೆರಿಟಸ್ ಪ್ರೊಫೆಸರ್ ಟಾನ್ ಯೋಕ್ ಲಿನ್ (70) ಚಲಾಯಿಸುತ್ತಿದ್ದ ಕಾರಿಗೆ ಡಿಕ್ಕಿ ಹೊಡೆದಿದೆ.
ಇದನ್ನು ಓದಿದ್ದೀರಾ? ಅತ್ಯಾಚಾರ ಪ್ರಕರಣ | ಭಾರೀ ಪ್ರತಿಭಟನೆಯಾದರೆ ಮಾತ್ರ ತ್ವರಿತ ವಿಚಾರಣೆಯೇ?!
ಗಾಯಾಳುವನ್ನು ಆಸ್ಪತ್ರೆಗೆ ಕರೆದೊಯ್ಯಲಾಗಿದ್ದು ತೀವ್ರವಾಗಿ ಗಾಯಗೊಂಡಿದ್ದ ಅವರು ಕೆಲವು ದಿನಗಳ ನಂತರ ನಿಧನರಾದರು. ನಟರಾಜನ್ ಈ ಹಿಂದೆಯೂ ಅಜಾಗರೂಕರಾಗಿ ವಾಹನ ಚಲಾಯಿಸುತ್ತಿದ್ದರು ಎಂದು ಹೇಳಲಾಗಿದೆ.
2023ರ ಜೂನ್ ತಿಂಗಳಲ್ಲಿ ನಾಗರಾಜನ್ಗೆ ನೋಟಿಸ್ ಹೊರಡಿಸಿದ್ದ ಸಂಚಾರ ಪೊಲೀಸರು ಜುಲೈ 25ರ ಮೊದಲು ತನ್ನ ಪರವಾನಗಿಯನ್ನು ಹಿಂದಿರುಗಿಸುವಂತೆ ನೋಟಿಸ್ ನೀಡಿದ್ದರು. ಆದರೆ ಈ ನಡುವೆ ಜುಲೈ 7ರಂದು ಅಪಘಾತ ನಡೆದಿದೆ.
ಇನ್ನು ಅಪಘಾತದ ಬಳಿಕ ನಟರಾಜನ್ ಅವರ ಪರವಾನಗಿಯನ್ನು ರದ್ದುಗೊಳಿಸಲಾಗಿದೆ. ಆದರೂ 2024ರಲ್ಲಿ ಎರಡು ಬಾರಿ ನಟರಾಜನ್ ಲಾರಿ ಓಡಿಸುವುದು ಕಂಡುಬಂದಿದೆ. ಹಾಗೆಯೇ ಹಲವು ಆರೋಪಗಳಲ್ಲಿ ತಪ್ಪೊಪ್ಪಿಕೊಂಡಿದ್ದರು.
ನ್ಯಾಯಾಲಯವು ನಟರಾಜನ್ ಜೀವಮಾನವಿಡೀ ವಾಹನ ಚಲಾಯಿಸುವುದನ್ನು ನಿಷೇಧಿಸಿದೆ ಎಂದು ಸಿಂಗಾಪುರ ದಿನಪತ್ರಿಕೆ ತನ್ನ ವರದಿಯಲ್ಲಿ ತಿಳಿಸಿದೆ. ನಾಗರಾಜನ್ ಸಿಂಗಾಪುರದಲ್ಲಿ ಯಾವುದೇ ಮೋಟಾರು ವಾಹನವನ್ನು ಓಡಿಸುವುದನ್ನು ಸಹ ನಿಷೇಧಿಸಲಾಗಿದೆ.
