ನೊಬೆಲ್ ಪ್ರಶಸ್ತಿ ಆಯ್ಕೆ ಸಮಿತಿಯು 2024ನೇ ಸಾಲಿನ ಭೌತಶಾಸ್ತ್ರ ನೊಬೆಲ್ ಪ್ರಶಸ್ತಿಯನ್ನು ಪ್ರಕಟಿಸಿದ್ದು, ಯಾಂತ್ರಿಕ ಕಲಿಕೆ ವಿಭಾಗದಲ್ಲಿ ಮಾಡಿದ ಅಪಾರ ಸಾಧನೆಗಾಗಿ ಅಮೆರಿಕದ ಜಾನ್ ಹೋಪ್ಫೀಲ್ಡ್ ಹಾಗೂ ಇಂಗ್ಲೆಂಡ್ನ ಜಿಯೋಫೆರ್ರಿ ಹಿಂಟನ್ ಅವರಿಗೆ ನೀಡಿದೆ. ಈ ಇಬ್ಬರು ವಿಜ್ಞಾನಿಗಳು ಕೃತಕ ನರ ಜಾಲಗಳೊಂದಿಗೆ ಯಾಂತ್ರಿಕ ಕಲಿಕೆಯ ಸಕ್ರೀಕರಣಗೊಳಿಸುವಲ್ಲಿ ಕೈಗೊಂಡ ಸಾಧನೆಗಾಗಿ ಪ್ರಶಸ್ತಿಯನ್ನು ನೀಡಲಾಗಿದೆ ಎಂದು ಆಯ್ಕೆ ಸಮಿತಿ ತಿಳಿಸಿದೆ.
ಯಾಂತ್ರಿಕ ಕಲಿಕೆಯು ಬಹುಕಾಲದಿಂದ ಸಂಶೋಧನೆಗೆ ಮಹತ್ವದ್ದಾಗಿದೆ, ಇದರಲ್ಲಿ ಅಪಾರ ಪ್ರಮಾಣದ ದತ್ತಾಂಶಗಳ ವಿಂಗಡಣೆ ಮತ್ತು ವಿಶ್ಲೇಷಣೆಯೂ ಸೇರಿದೆ. ಇದು ಕೃತಕ ಬುದ್ಧಿಮತ್ತೆಯ (ಎಐ) ಶಾಖೆಯಾಗಿದ್ದು, ಕಂಪ್ಯೂಟರ್ಗಳು ಡೇಟಾದಿಂದ ಕಲಿಯಲು ಮತ್ತು ಸ್ಪಷ್ಟವಾಗಿ ಪ್ರೋಗ್ರಾಮ್ ಮಾಡದೆಯೇ ಅವುಗಳ ಕಾರ್ಯಕ್ಷಮತೆಯನ್ನು ಸುಧಾರಿಸಲು ಅನುವು ಮಾಡಿಕೊಡುತ್ತದೆ. ಸ್ಥಿರ ಸೂಚನೆಗಳ ಗುಂಪನ್ನು ಅನುಸರಿಸುವ ಬದಲು, ಯಾಂತ್ರಿಕ ಕಲಿಕೆ ಅಲ್ಗಾರಿದಮ್ಗಳು ಡೇಟಾದಲ್ಲಿನ ಮಾದರಿಗಳನ್ನು ವಿಶ್ಲೇಷಿಸುತ್ತವೆ, ಮುಂದೆ ನಡೆಯುವ ವಿಷಯಗಳನ್ನು ಊಹಿಸುತ್ತವೆ ಮತ್ತು ಹೊಸ ಮಾಹಿತಿಯ ಆಧಾರದ ಮೇಲೆ ಸರಿಹೊಂದಿಸುತ್ತವೆ.
ಈ ಸುದ್ದಿ ಓದಿದ್ದೀರಾ? ಈ ದಿನ ಸಂಪಾದಕೀಯ | ಸಂಶಯ ಪರಿಹರಿಸಿ, ನ್ಯಾಯಾಂಗದ ಘನತೆ ಎತ್ತಿ ಹಿಡಿದ ನ್ಯಾಯಮೂರ್ತಿ
“ಜಾನ್ ಹಾಪ್ಫೀಲ್ಡ್ ಮತ್ತು ಜೆಫ್ರಿ ಹಿಂಟನ್ ಅವರು ಭೌತಶಾಸ್ತ್ರದ ಉಪಕರಣಗಳನ್ನು ಬಳಸಿ ಇಂದಿನ ಶಕ್ತಿಶಾಲಿ ಯಂತ್ರ ಕಲಿಕೆಗೆ ಅಡಿಪಾಯ ಹಾಕಲು ಸಂಶೋಧನೆ ಕೈಗೊಂಡಿದ್ದಾರೆ. ಕೃತಕ ನರ ಜಾಲಗಳ ಆಧಾರದ ಮೇಲೆ ಯಂತ್ರ ಕಲಿಕೆ ಪ್ರಸ್ತುತ ವಿಜ್ಞಾನ, ಇಂಜಿನಿಯರಿಂಗ್ ಮತ್ತು ದೈನಂದಿನ ಜೀವನದಲ್ಲಿ ಕ್ರಾಂತಿಕಾರಿಯಾಗಿದೆ” ಎಂದು ನೊಬೆಲ್ ಪ್ರಶಸ್ತಿ ಪ್ರಕಟಣೆ ತಿಳಿಸಿದೆ.
ಜಾನ್ ಹೋಪ್ಫೀಲ್ಡ್ ಅವರು ಅಮೆರಿಕದ ಪ್ರಿನ್ಸ್ಟನ್ ವಿಶ್ವವಿದ್ಯಾನಿಲಯದ ನರವಿಜ್ಞಾನ
ಸಂಸ್ಥೆಯಲ್ಲಿ ಆಣ್ವಿಕ ಜೀವಶಾಸ್ತ್ರದ ಪ್ರಾಧ್ಯಾ ಪಕರಾಗಿದ್ದಾರೆ ಮತ್ತು ಜೆಫ್ರಿ ಹಿಂಟನ್ ಅವರು ಕೆನಡಾದ
ಟೊರೊಂಟೊ ವಿಶ್ವವಿದ್ಯಾಲಯದಲ್ಲಿ ಕಂಪ್ಯೂಟರ್ ಸೈನ್ಸ್ ವಿಭಾಗದ ಪ್ರಾಧ್ಯಾಪಕರಾಗಿದ್ದಾರೆ. ಭೌತಶಾಸ್ತ್ರದ
ನೊಬೆಲ್ ಪ್ರಶಸ್ತಿಯು ಸುಮಾರು 8.3 ಕೋಟಿ ರೂ. ನಗದು ಒಳಗೊಂಡಿದೆ.
1901 ರಿಂದ 1901 ರಿಂದ 2023 ರ ನಡುವೆ 117 ಬಾರಿ ಭೌತಶಾಸ್ತ್ರದಲ್ಲಿ ಪ್ರಶಸ್ತಿಯನ್ನು ನೀಡಲಾಗಿದೆ. ಜಾನ್ ಬಾರ್ಡೀನ್ ಎಂಬ ವಿಜ್ಞಾನಿ ಮಾತ್ರ ಭೌತಶಾಸ್ತ್ರದಲ್ಲಿ 1956 ಮತ್ತು 1972 ರಲ್ಲಿ ಎರಡು ಬಾರಿ ನೊಬೆಲ್ ಪ್ರಶಸ್ತಿಯನ್ನು ಪಡೆದ ಏಕೈಕ ವ್ಯಕ್ತಿಯಾಗಿದ್ದಾರೆ.
ಭೌತಶಾಸ್ತ್ರದ ನೊಬೆಲ್ ಪ್ರಶಸ್ತಿಯನ್ನು ಸ್ವೀಡಿಷ್ ಸಂಶೋಧಕ ಮತ್ತು ಕೈಗಾರಿಕೋದ್ಯಮಿ ಆಲ್ಫ್ರೆಡ್ ಬರ್ನ್ಹಾರ್ಡ್ ನೊಬೆಲ್ ಅವರ ಇಚ್ಛೆಯ ಪ್ರಕಾರ ನೀಡಲಾಗುತ್ತದೆ. ಈ ಪ್ರಶಸ್ತಿಯು ಹಿಂದಿನ ವರ್ಷದಲ್ಲಿ, ಭೌತಶಾಸ್ತ್ರ ಕ್ಷೇತ್ರದಲ್ಲಿ ಮನುಕುಲಕ್ಕೆ ಹೆಚ್ಚಿನ ಪ್ರಯೋಜನವನ್ನು ನೀಡಿದವರನ್ನು ಗುರುತಿಸಲಾಗುತ್ತದೆ.
