ಪ್ರತಿಷ್ಠಿತ ಸುದ್ದಿ ಸಂಸ್ಥೆಗಳಲ್ಲಿ ಒಂದಾದ ವಾಷಿಂಗ್ಟನ್ ಪೋಸ್ಟ್ನಲ್ಲಿ ಇತ್ತೀಚಿಗೆ 500ಕ್ಕೂ ಹೆಚ್ಚು ಸಿಬ್ಬಂದಿಯನ್ನು ವಜಾಗೊಳಿಸಲಾಗಿದೆ. ಈ ತ್ವರಿತ ಮತ್ತು ವ್ಯಾಪಕ ವಜಾಗೊಳಿಸುವಿಕೆಯನ್ನು ಖಂಡಿಸಿರುವ ‘ವಾಷಿಂಗ್ಟನ್ ಪೋಸ್ಟ್’ನ ಪ್ರಕಾಶಕ, ಸಿಇಒ ವಿಲ್ ಲೂಯಿಸ್ ರಾಜೀನಾಮೆ ನೀಡಿದ್ದಾರೆ.
“ಕಳೆದ ಎರಡು ವರ್ಷಗಳಲ್ಲಿ ವಾಷಿಂಗ್ಟನ್ ಪೋಸ್ಟ್ನಲ್ಲಿ ಹಲವಾರು ಬದಲಾವಣೆಗಳು ನಡೆದಿವೆ. ಈಗ, ಬೃಹತ್ ಸಂಖ್ಯೆಯ ಉದ್ಯೋಗ ಕಡಿತವೂ ನಡೆದಿದೆ. ಸಂಸ್ಥೆಯಿಂದ ನಾನು ದೂರ ಸರಿಯಲು ಇದು ಸರಿಯಾದ ಸಮಯ” ಎಂದು ಅವರು ಹೇಳಿಕೊಂಡಿದ್ದಾರೆ. 2023ರಲ್ಲಿ, ಲೂಯಿಸ್ ಅವರನ್ನು ಸಂಸ್ಥೆಯ ಹೊಸ ಪ್ರಕಾಶಕ ಮತ್ತು ಸಿಇಒ ಆಗಿ ನೇಮಿಸಲಾಗಿತ್ತು.
2013ರಲ್ಲಿ ಪತ್ರಿಕೆಯನ್ನು ಬಿಲಿಯನೇರ್, Amazon.com ಇಂಕ್ನ ಸಹ-ಸಂಸ್ಥಾಪಕ ಜೆಫ್ ಬೆಜೋಸ್ ಅವರು ಖರೀದಿಸಿದರು. ಬಳಿಕ, ನಾನಾ ರೀತಿಯಲ್ಲಿ ನಾಯಕತ್ವ ಬದಲಾವಣೆಗಳು ನಡೆದಿವೆ. ಸಂಸ್ಥೆಯು ಬುಧವಾರ, ತನ್ನ ಸಿಬ್ಬಂದಿಗಳ ಪೈಕಿ ಮೂರನೇ ಒಂದು ಭಾಗ (500) ಉದ್ಯೋಗಿಗಳನ್ನು ವಜಾಗೊಳಿಸಿದೆ. ಅವರಲ್ಲಿ, ವಿದೇಶಿ ವರದಿಗಾರರು ಮತ್ತು ಅಮೆರಿಕ ಮೂಲದ ಪತ್ರಕರ್ತರು ಸೇರಿದ್ದಾರೆ.
ಸಂಸ್ಥೆಯು 2023ರಲ್ಲಿಯೂ ಸುಮಾರು 240 ಉದ್ಯೋಗಗಳನ್ನು ಕಡಿತಗೊಳಿಸಿತು.
