ದಕ್ಷಿಣ ಆಫ್ರಿಕಾದ ಅಧ್ಯಕ್ಷ ಸಿರಿಲ್ ರಮಾಫೋಸ ಅವರು ಮತದಾನಕ್ಕೆ ಕೆಲವೇ ಗಂಟೆಗಳ ಮೊದಲು ತನ್ನ ದೀರ್ಘಾವಧಿಯ ರಾಜಕೀಯ ವಿರೋಧಿ ಪಕ್ಷದ ಜೊತೆ ಸಮ್ಮಿಶ್ರ ಒಪ್ಪಂದವನ್ನು ಮಾಡಿಕೊಂಡ ನಂತರ, ಜೂನ್ 14ರಂದು ಎರಡನೇ ಅವಧಿಗೆ ದಕ್ಷಿಣ ಆಫ್ರಿಕಾ ಅಧ್ಯಕ್ಷರಾಗಿ ಪುನರಾಯ್ಕೆಗೊಂಡಿದ್ದಾರೆ.
ತೀವ್ರ ಎಡಪಂಥೀಯ ಆರ್ಥಿಕ ಸ್ವಾತಂತ್ರ್ಯ ಹೋರಾಟಗಾರರ ಜೂಲಿಯಸ್ ಮಲೆಮಾ ವಿರುದ್ಧ ಸ್ಪರ್ಧಿಸಲಿದ್ದ ಆಫ್ರಿಕನ್ ನ್ಯಾಶನಲ್ ಕಾಂಗ್ರೆಸ್ನ (ಎಎನ್ಸಿ) ನಾಯಕ 71 ವರ್ಷದ ರಾಮಫೋಸ ಸಮ್ಮಿಶ್ರ ಒಪ್ಪಂದದ ಮೂಲಕ ತನ್ನ ಅಧ್ಯಕ್ಷ ಸ್ಥಾನವನ್ನು ಉಳಿಸಿಕೊಂಡಿದ್ದಾರೆ.
ಇದನ್ನು ಓದಿದ್ದೀರಾ? ದಕ್ಷಿಣ ಆಫ್ರಿಕಾ | ಸೇತುವೆಯಿಂದ ಕಂದಕಕ್ಕೆ ಬಸ್ ಬಿದ್ದು 45 ಮಂದಿ ಸಾವು; ಬದುಕುಳಿದ ಏಕೈಕ ಮಗು!
ದಕ್ಷಿಣ ಆಫ್ರಿಕಾದ ಎರಡನೇ ಅತಿದೊಡ್ಡ ಪಕ್ಷವಾದ ಡೆಮಾಕ್ರಟಿಕ್ ಅಲೈಯನ್ಸ್ (ಡಿಎ) ಮತ್ತು ಕೆಲವು ಸಣ್ಣ ಪಕ್ಷಗಳ ಶಾಸಕರ ಸಹಾಯವನ್ನು ಪಡೆದುಕೊಂಡ ರಾಮಫೋಸ 400 ಸದಸ್ಯ ಬಲದ ಸದನದಲ್ಲಿ 283 ಮತಗಳನ್ನು ಪಡೆದರೆ, ಮಲೆಮಾ ಅವರ 44 ಮತಗಳನ್ನು ಪಡೆದರು.
South African President Cyril Ramaphosa re-elected for second term
Read @ANI Story | https://t.co/gF8LYUNa62#SouthAfrica #CyrilRamaphosa #President pic.twitter.com/GhknGH3Nuc
— ANI Digital (@ani_digital) June 15, 2024
ಎರಡು ವಾರಗಳ ಹಿಂದೆ ನಡೆದ ಮಹತ್ವದ ಚುನಾವಣೆಯಲ್ಲಿ ಎಎನ್ಸಿ ಬಹುಮತವನ್ನು ಕಳೆದುಕೊಂಡಿದ್ದು, ಸಂಸತ್ತಿನಲ್ಲಿ ಬೆಂಬಲ ಬಲ 159 ಸ್ಥಾನಗಳಿಗೆ ಇಳಿದಿತ್ತು. ಮ್ಯಾರಥಾನ್ ಪಾರ್ಲಿಮೆಂಟರಿ ಅಧಿವೇಶನದಲ್ಲಿ ವಿರಾಮದ ಸಮಯದಲ್ಲಿ ಎಎನ್ಸಿ ತನ್ನ ವಿಪಕ್ಷ ಡಿಎ ಜೊತೆ ಕೊನೆಯ ನಿಮಿಷದಲ್ಲಿ ಒಪ್ಪಂದಕ್ಕೆ ಸಹಿ ಹಾಕಿದ್ದು, ಬಳಿಕ ಬೆಂಬಲ ಬಲ ಹೆಚ್ಚಾಗಿ ರಮಾಫೋಸ ಎರಡನೇ ಅವಧಿಗೆ ಅಧ್ಯಕ್ಷರಾಗಿ ಮರು ಆಯ್ಕೆಯಾಗಿದ್ದಾರೆ.
