132 ಕಾರ್ಡಿನಲ್ಸ್ ಭಾಗವಹಿಸಿದ್ದ ಕಾಂಕ್ಲೇವ್ ನಲ್ಲಿ ಕ್ರೈಸ್ತರ ನೂತನ ವಿಶ್ವ ಗುರು(ಪೋಪ್) ಕಾರ್ಡಿನಲ್ ರಾಬರ್ಟ್ ಫ್ರಾನ್ಸಿಸ್ ಅವರನ್ನು ಆಯ್ಕೆ ಮಾಡಲಾಗಿದೆ.
ವ್ಯಾಟಿಕನ್ ಸಿಟಿಯಲ್ಲಿರುವ ಸಿಸ್ಟೀನ್ ಚಾಪೆಲ್ ಚಿಮಣಿಯಿಂದ ಶ್ವೇತ ವರ್ಣದ ಹೊಗೆ ಹೊರಹೊಮ್ಮುತ್ತಿದ್ದಂತೆ ಸೈಂಟ್ ಪೀಟರ್ಸ್ ಚೌಕದಲ್ಲಿ ಸೇರಿದ್ದ ಸಾವಿರಾರು ಕ್ರೈಸ್ತ ವಿಶ್ವಾಸಿಗಳು ನೂತನ ಪೋಪ್ ಆಯ್ಕೆಯನ್ನು ಸಂಭ್ರಮಿಸಿದರು.
ಹೊಸದಾಗಿ ಆಯ್ಕೆಯಾದ ಪೋಪ್ ತ್ವರಿತವಾಗಿ ಸಾಂಪ್ರದಾಯಿಕ ಪಾಪಲ್ ವಸ್ತ್ರಗಳನ್ನು ಧರಿಸಿ, ಅವರ ಪವಿತ್ರ ಕಚೇರಿಗೆ ಸಾಂಕೇತಿಕ ಹೆಜ್ಜೆ ಇಡಲಿದ್ದಾರೆ. ಹಿರಿಯ ಕಾರ್ಡಿನಲ್ ಡಿಯಕನ್ ಸೈಂಟ್ ಪೀಟರ್ಸ್ ಬೆಸಿಲಿಕಾದ ಕೇಂದ್ರ ಬಾಲ್ಕನಿಯಲ್ಲಿ ಐತಿಹಾಸಿಕ ಧಾರ್ಮಿಕ ಘೋಷಣೆ ಉದ್ಘರಿಸುತ್ತಾ ಹೊರಬಂದರು.
Pope Leo XIV greets the world for the first time to grant his Urbi et Orbi blessing. Cardinal Robert Francis Prevost was elected as the 267th Successor of Peter by the 133 Cardinal electors on Thursday, May 8. pic.twitter.com/Xzusx6gLoe
— Vatican News (@VaticanNews) May 8, 2025
“ಹ್ಯಾಬೆಮಸ್ ಪಾಪಮ್” (“ನಮಗೆ ಪೋಪ್ ಇದ್ದಾರೆ”), ಎಂಬ ಘೋಷಣೆಗಳು ಹೊರಹೊಮ್ಮುತ್ತಿದ್ದಂತೆ ಪೋಪ್ ಅವರ ಜನ್ಮ ಹೆಸರು ಮತ್ತು ಅವರು ಆಯ್ಕೆ ಮಾಡಿದ ಪಾಪಲ್ ಹೆಸರನ್ನು ಘೋಷಿಸಿಲಾಯಿತು.
ಸಾಂಪ್ರದಾಯಿಕ ಧಾರ್ಮಿಕ ವಿಧಿಗಳ ನಂತರ ಹೊಸ ಪೋಪ್ ಸಾರ್ವಜನಿಕರ ಮುಂದೆ ಕಾಣಿಸಿಕೊಂಡರು. ಇದನ್ನು ಉರ್ಬಿ ಎಟ್ ಓರ್ಬಿ (“ನಗರ ಮತ್ತು ಜಗತ್ತಿಗೆ”) ಎಂದು ಕರೆಯಲಾಗುತ್ತದೆ.
ನೂತನ ಪೋಪ್ ಅವರಿಗೆ
ಹದಿನಾಲ್ಕನೇ ಲಿಯೊ ಎಂಬ ಹೆಸರನ್ನು ಆಯ್ಕೆ ಮಾಡಲಾಯಿತು. ಇವರು ಅಮೆರಿಕಾದಿಂದ ಆಯ್ಕೆಯಾದ ಮೊಟ್ಟ ಮೊದಲ ಪೋಪ್ ಎಂಬ ಹೆಗ್ಗಳಿಕೆಗೂ ಪಾತ್ರವಾಗಿದ್ದಾರೆ.
